Naglalakad

Lumalakad mag-isa ang mga binti,

malayo ang tingin ng mga matang namumuti

Tila may sariling buhay ang de-susing katawan

ngunit walang katiyakan, walang patutunguhan

.

Naglalakad na naman ako sa kawalan

Ganito ako, walang masandalan

Tumatakas na naman sa realm ng mga numero,

pormula, pisika, teorya ng mga inhinyero.

Pilit na namang isinusulat ang pluma

at nangangarap na balang araw ay maging summa

kahit malabo, ganito ako, nagdadamdam sa buhay,

sumusulat ng mga tugmang wala namang kulay

di ko alam ang kabuluhan, paroroonan o pinanggalingan.

Uhaw na naman ang isip sa karunungan

Ganito nga siguro ako, mahilig sa katanungan

Naglalakad na naman ang mga paang walang mabalingan

ng hapo, pagkalito at kalungkutan

kundi ang lumang papel na pinaka-iingatan.